“Bibliobus” ko‘chma kitob do‘koni va kutubxonasi aholi, xususan, yoshlar o‘rtasida kitob mutolaasi va kitobxonlik madaniyati, ularda kitobga bo‘lgan muhabbatini oshirish va ehtiyojini qondirish maqsadida tashkil etildi.

O‘zbekiston yoshlar ittifoqi Markaziy Kengashi tashabbusi bilan “O‘zavtosanoat” AK, O‘zbekiston Matbuot va axborot agentligi, O‘zbekiston Yozuvchilar uyushmasi, Qoraqalpog‘iston Respublikasi Jo‘qorg‘i Kengesi, viloyatlar va Toshkent shahar hokimliklari bilan hamkorligida ushbu loyiha tashkil etilmoqda.